Bydd £20 miliwn ychwanegol dros y 10 mlynedd nesaf yn cael ei fuddsoddi yn Nhyisha, Glanymôr a Chanol Tref Llanelli fel rhan o Raglen Balchder yn eich Lle Llywodraeth y DU i helpu i ailadeiladu ysbryd cymunedol a rhoi ymdeimlad o falchder i bobl leol yn lle maen nhw’n byw ac yn gweithio.
Mae Bwrdd Cymdogaeth newydd yn cael ei sefydlu i oruchwylio’r prosiect ac mae’n chwilio am Gadeirydd Annibynnol – nid gwleidydd na ‘rhywun arferol’ – rhywun sydd â brwdfrydedd ac egni dros Lanelli y gallwn ni i gyd uno y tu ôl iddo.
Bydd y Cadeirydd yn chwarae rhan allweddol wrth ddarparu arweinyddiaeth glir, gynhwysol a thryloyw, gan weithio’n adeiladol a sicrhau bod penderfyniadau’n cael eu harwain gan y gymuned, yn deg ac yn cyd-fynd ag anghenion lleol.
Mae’r prif rinweddau’n cynnwys:
- Teg a chytbwys, gan sicrhau bod pob llais yn cael ei glywed
- Da am hwyluso sgyrsiau, yn enwedig pan fydd gwahaniaethau barn yn dod i’r amlwg
- Agored i ddysgu, adborth a datblygiad, a diddordeb mewn mentora ac datblygu sgiliau eraill
- Croesawgar, agored a gwrando’n ddwfn ar eraill
- Tawel o dan bwysau ac yn rheoli gwrthdaro’n dda
- Meddu ar amser i flaenoriaethu’r rôl
Mae rhagor o wybodaeth am Raglen Balchder yn ei Le yn Llanelli a sut i wneud cais am rôl y Cadeirydd Annibynnol ar gael yma
https://www.carmarthenshire.llyw.cymru/busnes/datblygu-a-buddsoddiad/balchder-yn-ei-le-llanelli