Mae trais, bygythiadau a cham-drin yn erbyn gweithwyr manwerthu yn gwbl annerbyniol.
Ymunais â staff ac ymgyrchwyr yn Tesco yn Trostre ddydd Gwener i gefnogi galwad Undeb Usdaw i godi ymwybyddiaeth y cyhoedd o’r ymddygiad gwarthus hwn a rhoi’r hyder i weithwyr siarad allan, adrodd am gam-drin a pheidio â’i dderbyn fel rhan o’r swydd.
Mae gwarant plismona cymunedol Llafur yn cynnwys pwerau newydd i wahardd troseddwyr ailadroddus o ganol trefi / mannau cyhoeddus ac mae ein Bil Troseddu a Phlismona yn dileu’r trothwy o £200 ar ddelio â siopladrad fel trosedd cryno i gynyddu erlyniadau a dangos bod siopladrad yn cael ei gymryd o ddifrif. Rydym hefyd yn cyflwyno trosedd newydd, annibynnol, o ymosod ar weithiwr manwerthu, gan roi’r amddiffyniad sydd ei angen ar weithwyr mewn siopau ledled y wlad.
