- Bydd codiadau yn yr Isafswm Cyflog Cenedlaethol a’r Cyflog Byw Cenedlaethol yn rhoi mwy o arian ym mhocedi 2,600 o’r gweithwyr ar y cyflogau isaf yn Sir Gaerfyrddin.
- Mae Llywodraeth Lafur y DU yn codi cyflogau hyd at 150,000 o bobl yng Nghymru, gan hybu safonau byw a rhoi hwb i dwf.
- Bydd codiad cyflog mewn termau real yn rhoi hwb o £1,400 y flwyddyn i gyflogau gweithiwr llawn amser cymwys, tra bydd cyfradd y prentis yn codi 18%.
- I rai 18-20 oed bydd yn golygu hyd at £2,500 y flwyddyn yn fwy.
Mae gweithwyr ledled Cymru, gan gynnwys tua 2,600 ar draws Sir Gaerfyrddin, wedi derbyn codiad cyflog heddiw wrth i’r Cyflog Byw Cenedlaethol newydd a chyfraddau’r Isafswm Cyflog Cenedlaethol ddod i rym.
Mae gweithredu gan Lywodraeth Lafur y DU yn golygu y bydd gweithwyr amser llawn ar y Cyflog Byw Cenedlaethol yn gweld cynnydd cyflog mewn termau real o £1,400 y flwyddyn, gan helpu i roi mwy o sefydlogrwydd ariannol i deuluoedd, gwella safonau byw a rhoi hwb i dwf.
Bydd y cynnydd hwn yn rhoi sicrwydd i bobl sy’n gweithio ac yn lleddfu’r pwysau ar eu harian o ddydd i ddydd. Mae hefyd yn caniatáu i weithwyr pellach elwa o bosibl o effeithiau gorlifo cadarnhaol gan gynnwys codiadau cyflog posibl i’r rhai sydd eisoes yn ennill mwy na’r isafswm cyfreithiol.
Eleni hefyd yw’r flwyddyn gyntaf i’r Comisiwn Cyflogau Isel, y corff sy’n argymell cyfraddau cyflog, gael cyfarwyddyd i gynnwys costau byw a chwyddiant yn ei asesiad.
Ar ben hyn, bydd y Mesur Hawliau Cyflogaeth, sy’n biler allweddol yn y Cynllun i Wneud i Waith Dalu, ryddhau £600 y flwyddyn yn ychwanegol i rai o’r gweithwyr ar y cyflogau isaf. Bydd hyn yn sicrhau bod y gweithwyr hyn yn cael codiad i gyflogau sy’n sicrhau ansawdd bywyd gwell.
Dywedodd y Fonesig Nia Griffith, AS Llanelli:
“Rwy’n falch o fod yn rhan o lywodraeth Lafur y DU a fydd yn codi cyflogau i tua 2,600 o bobl ledled Sir Gaerfyrddin, sy’n cynnwys llawer yn fy etholaeth fy hun, Llanelli.
“Rwyf wedi bod yn cefnogi cynlluniau llywodraeth Lafur y DU i gynyddu cyflogau a rhoi’r cyfle i fwy o bobl yng Nghymru gael gwaith diogel sy’n talu’n dda a heddiw byddaf yn gweld llawer o’r gweithwyr ar y cyflogau isaf yn elwa ar godiad cyflog haeddiannol.
“I rywun yn Llanelli sy’n gweithio’n llawn amser ar y Cyflog Byw Cenedlaethol, mae’r newidiadau hyn yn golygu codiad cyflog o £1,400. I brentisiaid lleol, bydd yn golygu codiad cyflog o 18%, pleidlais wirioneddol o hyder yn y genhedlaeth nesaf o weithwyr hefyd.”