Rwy’n gwbl erbyn y penderfyniad gan Fwrdd Iechyd Hywel Dda i gau’r Uned Mân Anafiadau (UMA) yn Ysbyty’r Tywysog Philip gyda’r nos am chwe mis tra eu bod yn cymryd amser i feddwl am ei dyfodol.
Ers i’r cyhoeddiad hwnnw gael ei wneud, mae ymgyrchwyr o SOSPPAN (Save Our Services Prince Philip Action Network) wedi cynnal protest barhaol y tu allan i fynedfa’r ysbyty. Rwyf wedi treulio amser dros yr wythnos neu ddwy ddiwethaf, yn sefyll ochr yn ochr â nhw ac yn gwrando ar gymaint o straeon am ba mor bwysig yw’r uned i deuluoedd lleol a pha mor hanfodol yw ei bod yn parhau i fod yn wasanaeth 24 awr, nid gwasanaeth yn ystod y dydd yn unig.
Gwnaethpwyd yr alwad i gwtogi dros dro oriau agor yr Uned Mân Anafiadau a chwestiynu ei bresenoldeb hirdymor yn Llanelli gan y Bwrdd Iechyd ar fyr rybudd a heb ymgynghoriad cyhoeddus. Nid yw wedi’i wneud am resymau ariannol ond oherwydd anallu’r Bwrdd Iechyd i recriwtio personél priodol a rheolaeth annigonol ar absenoldeb staff yno.
Mae’r symudiad wedi gwylltio cymunedau lleol ac mae’r ffordd y’i cadarnhawyd wedi gwneud dim ond niweidio hyder yn y Bwrdd Iechyd, ei brosesau a’r gallu iddo gael ei ddwyn i gyfrif am eu darpariaeth o ofal iechyd yn Llanelli.
Mae unrhyw ostyngiad i’r gwasanaeth 24/7 y mae’r Uned Mân Anafiadau yn ei ddarparu yn y Tywysog Philip yn annerbyniol. Byddai’n gadael y dref fwyaf o fewn ardal Hywel Dda heb orchudd ac yn rhoi pwysau ychwanegol ar Glangwili a Threforys.
Ynghyd â Lee Waters AS, rwyf wedi gofyn i benaethiaid Hywel Dda fynychu cyfarfod cyhoeddus yma yn Llanelli i egluro eu gweithredoedd a dangos eu bod yn gwneud popeth o fewn eu gallu i gefnogi’r staff rhagorol yno a darparu’r UMA y mae mawr ei angen arnom ac yr ydym yn ei haeddu. . Mae hon yn frwydr na all ein tref fforddio ei cholli.