Mae dadansoddiad newydd yn amcangyfrif bod tua 4,700 o bobl yn Llanelli yn dal i fod ar gennad lawn yng nghanol mis Awst. Mae hyn yn golygu 44% o’r gweithwyr a symudwyd i Gynllun Cadw Swyddi Coronafirws Llywodraeth y DU yng nghyfnod cynnar argyfwng Covid-19 yn parhau i fod ar gennad lawn bedwar mis yn ddiweddarach.
Yn ôl y ffigurau, gwnaeth 2,300 o bobl yn Llanelli hawliadau o dan Gynllun Cymorth Incwm Hunangyflogedig Coronafeirws erbyn diwedd mis Gorffennaf. Er gwaethaf hyn, mae’r Canghellor Rishi Sunak yn bwrw ymlaen gyda’i chiliad unffurf i bawb ar draws yr economi gyfan erbyn diwedd mis Hydref.
Mae cynlluniau llawer o wledydd eraill yn para’n hirach neu wedi cael eu hymestyn. Mae’r DU yn allanolyn wrth dynnu cymorth yn ôl ar ôl chwe mis yn unig.
Heddiw, mae Llafur yn galw ar y Torïaid i gyflwyno cymorth incwm wedi’i dargedu i fusnesau a phobl hunangyflogedig yn sectorau’r economi sy’n cael eu taro caletaf gan y firws, ac mewn rhannau o’r wlad sy’n cael eu rhoi o dan gyfyngiadau lleol oherwydd cyfraddau heintiau cynyddol.
Mae estyniad wedi’i dargedu yn hanfodol.
Os bydd y Torïaid yn gwrthwynebu cynnig Llafur yn y Senedd heddiw, bydd pobl yn Llanelli sydd mewn swyddi sy’n cael eu taro caletaf gan y pandemig, fel y 2,600 o bobl sy’n gweithio gyda swyddi ym maes gweithgynhyrchu a thafarndai a chlybiau, yn pendroni pam nad yw’n ymddangos bod y llywodraeth hon yn poeni am eu bywoliaeth.