Yn ddiweddar ymunodd Nia Griffith AS a Keith Davies AC â rhieni a phlant Porth Tywyn am ddiwrnod o hwyl yn y parc. Diolch i weledigaeth a dyfalbarad y Cyng Mary Wenman, sefydlwyd Pwyllgor Apel Parc Porth Tywyn flwyddyn yn ôl ac erbyn hyn mae wedi cael £100,000 o’r Gronfa’r Ardoll Agregau ar gyfer Cymru i wella’r deunydd chwarae ym Mharc Porth Tywyn. Dywedodd Mary sy’cadeirydd y pwyllgor ac yn Ddirprwy Faer Porth Tywyn eleni, “ ‘Rydym wrth ein bodd ein bod wedi derbyn y grant, ac hoffwn ddiolch i bawb sydd wedi ein helpu, ond mae’n rhaid codi mwy o arian ac o ymwybyddiaeth, felly rydym yn gwneud mwy o geisiadau am grant a chynnal digwyddiadau codi arian..”
Dywedodd Nia Griffith AS, “Llongyfarchiadau i’r pwyllgor am ennill y grant yma sy’n ein rhoi ar y ffordd i wella man chwarae’r plantos a darparu Ardal ChwaraeonPobl Ifanc. Roedd yn wych weld pawb allan yn mwynhau Diwrnod o hwyl yn y parc.”
Posted: 18th August 2011
Mewn ymateb i Adolygiad Cynhwysfawr y Llywodraeth ar Wariant, mae Nia Griffith AS yn pryderu am bobl yn ardal Llanelli wrth iddynt gadw eu swyddi, gadw eu cartrefi a chadw’n ddiogel.
Mae Nia yn esbonio: “Mae’r toriadau yn rhy ddwfn ac yn rhy gyflym, ac yn cymryd siawns beryglus â’n dyfodol economaidd a swyddi pobl. Heb dwf, mae’n amhosib ostwng y dyled. Os ydy’r Llywodraeth yn taflu pobl ar y clwt, mae’n costio’n fwy i ni i gyd. Felly, er mwyn gostwng y dyled, mae’n rhaid ddechrau gyda swyddi. Mae torri lawr ar y sector cyhoeddus yn cael effaith niweidiol yn ei dro ar swyddi yn y sector preifat, gan fod llawer o weithwyr, fel y rhai yn y diwydiant adeiladu, yn dibynnu ar waith yn y sector cyhoeddus.Bydd y toriadau hyn sy’n cymryd o gwmpas £81 biliwn allan o’r economi yn rhwystr ddifrifol i adfer yr economi. Gamblo’n beryglus yw hyn gyda’n dyfodol economaidd a gyda swyddi pobl.”
Posted: 25th October 2010
Pleser mawr i fi oedd croesawu gr?p o ddisgyblion Blwyddyn 6 o Ysgol Ffwrnes ar ymweliad i San Steffan. Yn gyntaf cawsant daith dywysedig o gwmpas San Steffan, gan ymweld â Siambr y T? Cyffredin a Th?’r Arglwyddi.
’Roedd yr orsedd lle eisteddai’r Frenhines ar gyfer agoriad swyddogol y Senedd wedi dwyn sylw arbennig. Nesaf, y wers oedd sut mae’r Senedd yn deddfu a phleidleisiasant dros ddeddf a oedd yn gwahardd gwaith cartref. Tybed beth fyddai ymateb eu rhieni i hynny! Yna, cawsom drafodaeth gyffredinol am fy ngwaith fel aelod seneddol. Os hoffech chi ymweld â’r Senedd, mae croeso i chi gysylltu â’m swyddfa.
Posted: 21st October 2010
Mae Nia Griffith AS ac ymgeisydd Llafur y Cynulliad Keith Davies wedi ymuno ag undebau Llafur ac ymgyrchwyr i frwydro yn erbyn cau cartrefi gofal. Mewn cyfarfod cyhoeddus, dywedodd Keith, “Mae’n rhaid i ni gydweithio i arghoeddi pob cynghorydd ar Gyngor Sir Gâr i gefnogi ein galwad i gadw’r cartrefi gofal yn agored. Amwys yw’r adroddiad dwedddaraf ac ’rydym yn galw am sicrwydd pendant ar ddyfodol y cartrefi yn Llanelli, yn ogystal â’r rhai hynny yn Rhydaman a Chaerfyrdin.” Ychwanegodd Nia, “Mae arnom angen y dewis o ofal preswyl llawn-amser yn nwylo’r awdurdod lleol. Dwedwn NA i breifateiddio oherwydd ei fod yn arwain at wneud yr hyn a’r hyn am y nesaf peth i ddim. Mae hyn yn golygu naill ai llai o ofal neu waeth gyflog ac amodau gwaeth i weithwyr. ’Rydym am gael y gorau posib ar gyfer ein dinasyddion h?n, a dim byd llai.”
Posted: 1st October 2010
Mae Keith Davies, Ymgeisydd Llafur y Cynulliad a Nia Griffith AS wedi dechrau deiseb i ddweud wrth y Bwrdd Iechyd Lleol ein bod am gadw’r HOLL wasanaethau sydd ar gael ar hyn o bryd yn Ysbyty’r Tywysog Philip.
Fel yr esboniodd Nia Griffith AS, “Nawr yw’r amser tra bod y Bwrdd Iechyd Lleol yn llunio eu strategaeth pum-mlynedd, i ddweud wrthynt yn blwmp ac yn blaen ein bod am gadw’r holl wasanaethau sydd ar gael ar hyn o bryd yn Ysbyty’r Tywysog Philip a’n bod yn gwrthod derbyn toriadau tameidiog. ’Rwy wedi gwneud hyn yn hollol glir i uwch reolwyr y bwrdd iechyd lleol.”
Dywedodd Keith Davies, yr ymgeisydd Llafur yn etholiadau’r Cynulliad y flwyddyn nesaf, “Mae’n rhaid i ni wneud yn siwr bod y Bwrdd yn gwrando ar bobl Llanelli. Dyma lle mae trwch poblogaeth Sir Gâr ac ’rydym yn haeddu ystod cyflawn o wasanaethau yn Ysbyty Tywysog Philip. Nawr yw’r amser i ddweud ein dweud wrth y Bwrdd cyn bod penderfyniadau yn cael eu gwneud a chyn ei bod yn rhy hwyr.”
Os ydych am ychwanegu eich enw at y deiseb, neu am gael copïau i’w dosbarthu, cysylltwch â Keith Davies ar 07875416595 neu Nia Griffith AS ar 01554 756374.
Posted: 3rd September 2010
Mae’r Cyng Hubert Hitchman a Nia yn brwydro i gadw’r croesfan yn agored.
Mae Nia Griffith AS a Keith Davies, ymgeisydd Llafur y Cynulliad yn cefnogi cynghorwyr y dref sy’n erfyn ar Network Rail i gadw yn agored croesfan Ffordd Glanmor.
Mewn datganiad cryf i Network Rail, mae Nia wedi pwysleisio’r angen i gadw croesfan Ffordd Glanmor yn agored er mwyn osgoi tagfeydd enfawr ar groesfan ar Ffordd y Doc Newydd. “Mae angen gadw’r groesfan hon yn agored neu fe fydd anhrefn llwyr ar Ffordd y Doc Newydd,“
Dywedodd Keith Davies, “Er bod stop ar bopeth ar hyn o bryd, mae safle Draka Ffordd Copperworks wedi cael ei neilltio ar gyfer ysgol gynradd newydd, ac felly fe fydd cynnydd yn y traffig, a thwpdra o’r mwyaf fyddai cau un o’r croesfannau. Byddwn yn brwydro bob cam o’r ffordd yn erbyn cau croesfan.”
Posted: 3rd September 2010
Nia gyda Stephanie, Marlene a Pete o Bwyllgor y Carnifal.
Diolch yn fawr iawn i holl drefnwyr, Carnifal Glanmor; ‘roedd yn ddiwrnod i’w gofio!
Posted: 2nd September 2010
Yn ddiweddar ymunodd Nia Griffith AS a Keith Davies AC â rhieni a phlant Porth Tywyn am ddiwrnod o hwyl yn y parc. Diolch i weledigaeth a dyfalbarad y Cyng Mary Wenman, sefydlwyd Pwyllgor Apel Parc Porth Tywyn flwyddyn yn ôl ac erbyn hyn mae wedi cael £100,000 o’r Gronfa’r Ardoll Agregau ar gyfer Cymru i wella’r deunydd chwarae ym Mharc Porth Tywyn. Dywedodd Mary sy’cadeirydd y pwyllgor ac yn Ddirprwy Faer Porth Tywyn eleni, “ ‘Rydym wrth ein bodd ein bod wedi derbyn y grant, ac hoffwn ddiolch i bawb sydd wedi ein helpu, ond mae’n rhaid codi mwy o arian ac o ymwybyddiaeth, felly rydym yn gwneud mwy o geisiadau am grant a chynnal digwyddiadau codi arian..”
